Pakistanın Pəncab əyalətinin Celam şəhərində xristianların yaşadığı məhəllədə keçirilən toy mərasimində keyfiyyətsiz spirtli içki qəbul edən 10 nəfər dünyasını dəyişib.
Milli.Az AZƏRTAC-a istinadən bildirir ki, yoxlama nəticəsində məlum olub ki, qəbul edilən spirtli içki həmin məhəllədə ev şəraitində hazırlanıb.
Pakistanda müsəlmanlara spirtli içki qəbul etmək qadağandır, ancaq bu qadağa ölkədə yaşayan xristianlar və induslara şamil olunmur.
Qeyd edək ki, bu ilin martında da Pakistanın Kəraçi şəhərində spirtli içki qəbulundan 40 nəfər dünyasını dəyişmişdi.
Milli.Az
