Xaçmazda yanğın qeydə alınıb.
Publika.az Fövqəladə Hallar Nazirliyinin (FHN) saytına istinadən xəbər verir ki, Xaçmaz rayonu, Köhnə Xaçmaz kəndində vətəndaşa məxsus ümumi sahəsi 289 m2 olan birmərtəbəli 6 otaqlı evdə yanğınla nəticələnən partlayış baş vermişdir. Yanğın nəticəsində evin tavanı 2 m2 sahədə yanmışdır.
Hadisə zamanı 1 nəfər yüngül yanıq xəsarətləri ilə Təcili Tibbi Yardım tərəfindən Mərkəzi Şəhər Xəstəxanasına aparılmışdır.
Evin qalan hissəsi yanğından mühafizə olunmuşdur.
Yanğın saat 17:42-də yanğınsöndürənlər tərəfindən söndürülmüşdür.