Yəmən prezidenti BMT-nin planını rədd etdi

Yəmən prezidenti BMT-nin planını rədd etdi
08:24 30 Oktyabr 2016
48 Digər
Ölkə mətbuatı
A- A+

Yəmən prezidenti Abd Rəbbu Mənsur Hadi ölkədəki münaqişənin həllinə dair BMT-nin planından imtina edib.  

 

APA-nın xəbərinə görə, bu barədə “Anadolu” prezidentin mətbuat xidmətinə istinadən məlumat yayıb.

 

Qeyd olunan bəyanat Hadinin Səudiyyə Ərəbistanının paytaxtı Ər-Riyadda BMT-nin səlahiyyətli nümayəndəsi İsmayıl Üld Şeyx Əhmədlə görüşü zamanı səsləndirilib.   

 

Prezidentin sözlərinə görə, BMT-nin planı 2014-cü ildən Yəmənin paytaxtı Sananı nəzarətə götürmüş  üsyançı husilərin dövlət çevrilişini rəsmiləşdirir.   

 

BMT-nin planına əsasən, prezident Hadi hakimiyyəti vitse-prezidentə verməli, o isə, öz növbəsində, vahid hökumət yaratmalıdır.  

 

İsmayıl Üld Şeyx Əhməd ötən həftə “yol xəritəsini” münaqişə tərəflərinə təqdim etdiyini açıqlamışdı.  

 

Bundan əvvəl apreldə tərəflər arasında BMT-nin vasitəçiliyi ilə təşkil olunan danışıqlar nəticəsiz olub.

 

2014-cü ildən davam edən münaqişə dövründə təxminən 7 min nəfər ölüb, 3 mln. nəfər məcburi köçkün vəziyyətinə düşüb.       

RƏYLƏR

BU KATEQORİYADAN DİGƏR XƏBƏRLƏR