Bu gün Bərdə rayonunda yanğın baş verib. Lent.az Fövqəladə Hallar Nazirliyinin saytına istinadən xəbər verir ki, Gərənə kəndində vətəndaşa məxsus ümumi sahəsi 250 m2 olan kürsülü birmərtəbəli 4 otaqlı evin zirzəmisinin lambirdən ibarət tavanı 36 m2 sahədə yanıb. Ev yanğından mühafizə olunub.
Oxşar hadisə Bakı şəhəri, Qaradağ rayonunda da baş verib. Vətəndaşa məxsus ümumi sahəsi 130 m2 olan kürsülü birmərtəbəli 4 otaqlı evin zirzəmisinin taxtadan ibarət tavanı 10 m2 sahədə yanıb. Ev yanğından mühafizə olunub.
