Liviya sahillərində, Zuvara şəhəri yaxınlığında 16 miqrantın meyiti aşkarlanıb.
APA-nın Reuters agentliyinə istinadən verdiyi xəbərə görə, onların hamısının Afrika ölkələrindən olduğu bildirilir.
Üç gün əvvəl Liviya sahillərində 90 miqrantın itkin düşdüyü barədə məlumat yayılmışdı.
Beynəlxalq Miqrasiya Təşkilatının hesablamalarına əsasən, ilin əvvəlindən Avropaya 90 min qeyri-qanuni miqrant gəlib, təxminən 3 min nəfər isə Aralıq dənizində ölüb.
Milli.Az
