Rusiyanın Tümen şəhərinin Marat adlı sakini maraqlı fotolayihə hazırlayıb.
Publika.az axşam.az-a istinadən bildirir ki, o, həyat yoldaşı işlə bağlı səfərə getdikdən sonra qərara gəlib ki, qızı ilə ana üçün fotohesabat etsinlər.
Ata və 7 yaşlı qız İnstaqramda "gündəlik işlər"i görən yerdə çəkilən əyləncəli fotoları paylaşıblar.
Hər fotoda da anaya "Burada hər şey qaydasındadır" mesajı
göndərilib. Marat bildirib ki, "Ana evdə hər şeyin səliqəli
olmasını istəyir, biz isə indi istədiyimizi edirik. O, gələndən
sonra deyinə bilər, amma əsas odur ki, bu, çox əyləncəlidir".
Onun sözlərinə görə, qızı ilə tək qalması birinci dəfə deyil.
Əvvəllər də onlar birgə səyahət edib və anaya maraqlı videolar
hazırlayıblar.
Hər fotonun hazırlığı təxminən yarım saat çəkir. Bu işdə onlara
fotorəssam Yevgeniy Şulç da kömək edir. 
