Şəhər küçələrini gəzən qaniçən dəstə kameralara yaxalandı.
Oktyabrın 30-da "Oyan, Azərbaycan" verilisinin aparıcısı Firuzə Cəlilova tamaşaçıları qorxuya saldı. Proqramın heyəti seyrçilərə bu dəfə fərqli və vahiməli obrazlarda təqdim olundu. Rəngarəng kostyumlarla Xəzər Media Mərkəzini dolaşan jurnalistlər kanalın bir çox aparıcılarını hədəfə alaraq, əməlli-başlı qorxutdular.
Hellouin - Ifritlər gecəsi üçün özəl hazırlanmış bu qeyri-adi dəstənin qrimi tanınmış stilist Delyaya aiddir. O hər kəsin üz cizglərinə, fiziki göstəricilərinə uyğun olaraq, əməkdaşlara obraz seçməkdə yardım etdi.
Qeyd edək ki, Trend.az, Day.Az, Milli.Az-ın informasiya dəstəyi ilə yayımlanan proqramın layihə rəhbəri Firuzə Cəlilova, baş redaktoru İlhamə Novruzovadur. Foto dəstəyi Bakupic Group-a aiddir. Veriliş Xəzər TV-də hər həftənin şənbə və bazar günləri, saat 8.00-11:00 radələrində efirə çıxır.
Milli.Az 
