Stiliniz sizin yerinizə danışırsa, əlavə bir sözə ehtiyac yoxdur. Dəb və zövqlə geyinmiş yaraşıqlı kişi hər qadının ürəyini qazana bilər. Aile.lent.az qadınların kişi qarderobunda bəyəndiyi əşyaları təqdim edir.
Yaxşı bir cüt ayaqqabı
İstənilən geyim tərzinin əsas elementlerindən biri ayaqqabıdır. Ayaqqabıların tərtibatı şalvarın rəng tonu ilə uyğun olmalı və ya bir az daha tünd olmalıdır.
"Henley" köynək
"Henley" köynək qarderobların əsla dəbdən düşməyən başlıca elementlərindən biridir. Hollivud ulduzlarının və məşhur atletlərin favorit geyimlərindəndir. Qarşısı düyməli, yaxalığı olmayan köynək bir çox qadın ağlını başından ala bilər.
Ağ köynək və cins şalvar
Cins şalvar və ağ köynək heç kimin etiraz edə bilmədiyi kombindir. Bu stil kişilərin daha cazibədar görünmələrini təmin edir.
V yaxa köynək
Qadınlar kişilərdə V yaxa köynəkləri çox bəyənirlər. Əynində bu geyim olan kişi özünə baxmağı bacaran, nəzakətli insan təəssüratı yaradır.
Qatlanmış qollar və nazik qalstuk
Bu görünüş gündəlik tərzin və şıqlığın mükəmməl birləşməsidir. Qatlanmış qollar və nazik qalstuk "Mən məşğul insanam, lakin iş məni ehtiraslandıran yeganə həvəs deyil", - mesajını verir.
Üçlük kostyum
Üçlük kostyumlar klassikdir və əsla dəbdən düşmür. Kişinin əyninə tam oturanda nəzakətli görünüş yaradır. Bu cür kostyum hər kəsin bədəninə yaraşır. Yaraşan rəngdə üçlük kostyum geyinən kişi hər qadının xəyalıdır.
Zövqlü aksessuarlar
Dəri qolbaqlar və onların hörük versiyaları bu il məşhurdur. Bu aksessuarlar kişilərə romantik görünüş verir. Qadınlar üçün seksuallığın həqiqi mənada tərifidir.
Papaqlar
Düzgün seçilmiş papaq kişinin xarici görünüşünü ciddi formada dəyişir və kütlənin içində belə, nəzərə çarpmasını təmin edir. Uyğun papağı seçin və qadınların diqqət mərkəzində olun.
Təmiz görünüş
Kişi dəbli paltarlar geyinə və ya trend aksessuarlar istifadə edə bilər. Lakin təmiz görünmədikdə yaxşı təəssürat yaratmır. Bir kişi qadınların xoşuna gəlmək istəyirsə, ilk növbədə təmiz olmalıdır.
Milli.Az
