Bakıda yol polisi kobud qayda pozuntusuna yol verib. İşiqforda düzünə qırmızı, sağa isə daimi yaşıl işıq yandığı halda, yol patrul avtomobili sağ zolaqda dayanaraq yaşıl işığın yanmasını gözləyir.
İşıqforda düzə qırmızı, sağa isə yaşıl yanır.
Sağa hərəkət daimi olduğu halda avtomobillər dönə bilmirlər. Səbəb polis avtomobilinin sağ zolaqda dayanmasıdır.
Görüntü, Bakı küçələrindən birində çəkilib. İşıqforda dayanan yol patrul avtomobili sağa hərəkət edən avtomobillərin yolunu bağlayıb. Bir neçə saniyədən sonra düzünə yaşıl işıq yandıqdan sonra patrul avtomobili hərəkət edir. Bundan sonra sağ zolaqda əbəs yerə dayanmış avtomobillər hərəkətlərinə başlayırlar.
Görüntünü izləyən yol hərəkəti üzrə ekspert Ərşad Hüseynovun sözlərinə görə, yol polisi burda qaydanı kobud şəkildə pozub. Ekspert bu tipli yollarda əvvəldən sürücülərə sağa hərəkətin daimi olması ilə bağlı nişanlar və ya asfalt örtüyündə nişanlar qoyulur.
Bəs belə olanda yol polisini hər hansı bir cərimə gözləyir? Ekspertin sözlərinə görə, həmin polis əməkdaşları digər sürücülər kimi cərimələnməlidirlər.
Bakı şəhər Dövlət Yol Polisi İdarəsinin bölmə rəisi Vaqif Əsədov məsələ ilə bağlı idarədə araşdırma aparıldığını deyir.
''Həmin gün xidmətdə olan inspektrolar müəyyən edildikən sonra qanunla onlar da cərimə ediləcəklər'',- bölmə rəsi belə qeyd edib.
