Dünya çempionatının seçmə oyununu idarə edəcək azərbaycanlı hakimlər briqadasının tərkibi müəyyənləşib

Dünya çempionatının seçmə oyununu idarə edəcək azərbaycanlı hakimlər briqadasının tərkibi müəyyənləşib
11:07 1 Noyabr 2016
45 İdman
Ölkə mətbuatı
A- A+

Bakı. 1 noyabr. REPORT.AZ/ 2018-ci dünya çempionatının seçmə qrup mərhələsinin Kipr - Cəbəllütariq oyununu idarə edəcək azərbaycanlı hakimlər briqadasının tərkibi müəyyənləşib. Bu barədə "Report"a AFFA Hakimlər Komitəsinin sədri Xaqani Məmmədov məlumat verib.
Onun sözlərinə görə, baş hakim Əliyar Ağayevə Zeynal Zeynalov və Rza Məmmədov yan xətt hakimləri qismində kömək edəcək. Oyunun dördüncü hakimi Orxan Məmmədov olacaq. Azərbaycanlı hakimlərin işinə maltalı hakim-inspektor qiymət verəcək.
Hakimlər noyabrın 12-də Kiprə yola düşəcək.
Ə.Ağayev DÇ-in seçmə qrup mərhələsinə təyinat alan 3-cü azərbaycanlı hakimdir. Müstəqillikdən bu yana Xaqani Məmmədov seçmə qrup mərhələsinin 3, Anar Salmanov isə 1 oyununa təyinat alıb.
Qeyd edək ki, noyabrın 13-də keçiriləcək qarşılaşma Bakı vaxtı ilə saat 21:00-da başlayacaq.

RƏYLƏR

BU KATEQORİYADAN DİGƏR XƏBƏRLƏR