Rusiyanın Liberal-Demokrat Partiyasının lideri Vladimir Jirinovski hesab edir ki, ABŞ prezidentliyinə respublikaçı namizəd Donald Tramp eynən onun özüdür. Tək bir fərqi var ki, o da puludur.
"O özü bildirib ki, eynən mənə oxşayır. Tam müstəqillik və seçki kampaniyasını öz texnologiyası ilə aparması. O, imicmeykerlər dəvət etməyib, muzdla kuklaoynadanlar tutmayıb", - Milli.Az virtualaz-a istinadən bildirir ki, Jirinovski deyib.
Rusiyalı ekstravaqant siyasətçi bildirir ki, Tramp da onun kimi "kağıza baxmadan" danışır, habelə amerikalı siyasətçinin miqrantlara qarşı mübarizə barədə fikirləri onun fikirləri ilə üst-üstə düşür. "Bizim aramızda cəmi bir fərq var. Mən milyarder deyiləm", - Jirinovski əlavə edib.
Milli.Az