Müğənni Demet Akalın “Elle” jurnalının yeni sayına müsahibə verib.
Axşam.az Türkiyə mətbuatına istinadən xəbər verir ki, o, həyatında bircə dəfə kiminsə haqqını yediyini deyib:
“Bu albomda “Şerefime, namusuma” deyə bir mahnı var. Merve Özbeyin çıxış mahnısı olmalı idi. “O mahnını mən alacağam” dedim. Günlərlə ağladım. Erdem Kınay dedi ki, bu mahnının xeyrini görməyəcəyik, amma mən ağladım və bəstəni əldə etdim. Mahnı çox hit olacağı halda heç nə alınmadı. Səhvimi anladım. Hər kəsin qisməti var. Bir dəfə başqasının haqqını yedim, xeyir tapmadım”.