Venesuelada milli valyuta olan bolivarın güclü devalvasiyası və hiperinflyasiya səbəbindən dükanlarda satıcılar alıcıların verdikləri pulları çəkib qəbul edirlər.
Milli.Az Bloomberg-ə istinadən bildirir ki, satıcıların dediklərinə görə, bolivarları saymaq çox uzun və ağır proses olduğundan onları çəkib qəbul etmək daha rahatdır.
Paytaxt Karakasdakı dükanlardan birində satıcı işləyən Umberto Qonsales deyib: "İndi pendir onun ağırlıqdakı pul dəstəsindən daha dəyərlidir".
Venesuelada insanlar alış-verişə yollanda pul dəstələrini kisələrə yığırlar. Hazırda ölkədə inflyasiya 1500 faizə çatıb.
100 bolivarlıq əskinas 1 sentimo dəyərində xırda pul qiymətindir.
Ölkə hakimiyyəti 500, 1000, 5000, 10000 və 20000 bolivarlıq əskinaslar buraxmağa hazırlaşır.
Milli.Az