Tanınmış rusiyalı teleaparıcı Kseniya Sobçak əri ilə birlikdə Peruya dincəlməyə yola düşüb.
ANS PRESS-in məlumatına görə, Kusko şəhərinin aeroportunda Kseniya Sobçak maraqlı sürprizlə qarşılaşıb. Bu haqda Kseniya öz mikrobloqunda pərəstişkarları ilə bölüşüb.
Sobçak bildirib ki, Kuskoda aeroportun əməkdaşları onlara yaxınlaşaraq stəkanda quru koki yarpaqlarını veriblər. Qeyd edək ki, narkotik vasitə olan kokaini bu bitkidən hazırlayırlar.
Kseniya mikrobloqunda bunları yazıb: "Peruda ənənə var. Belə ki, hər bir turist dağlıq ərazidə xəstələnməmək üçün bu yarpaqları çeynəməlidir. Kuskoya gələndə birinci növbədə bu yarpaqla dolu stəkanı verirlər. Əgər yarpaqları çeynəmədinsə burada tez bir zamanda xəstələnə bilərsən. Belə ölkələri sevirəm".