"Bavariya" Çempionlar Liqası turnirində Eyndhoven səfərindən qalib dönüb. PSV-nin qonağı olan Bundesliqa çempionu 3:1 hesabıyla qələbə qazanıb.
Milli.Az goal.az-a istinadən xəbər verir ki, komandanın futbolçusu Aryen Robben oyundan sonra fikirlərini bölüşüb.
"Çətin idi, birinci hissədə çox yavaş oynayırdıq. Bu, "Bavariya"nın yaxşı oyunları sırasına daxil edilə bilməz. Futbol baxımından çox şey öyrənməliyik. Çünki eyni səhvləri edirik. 1/8 finalda da eyni cür oynasaq, problemlərimiz olacaq".
Milli.Az