TV8 telekanalının rəhbəri olan aparıcı Acun İlıcalının Yunanıstanda "Voice" ("Səs") yarışmasının təşkilatçılıq hüququnu alması ilə bağlı xəbər vermişdik.
Axşam.az-ın Türkiyə mətbuatına istinadən məlumatına görə, sosial mediada yazılan şərhlər Acunu əsəbiləşdirib. Verilişin aparıcısı Eleni Tsagkrinou ilə olan fotosuna gələn şərhlərdən narahat olan aparıcı üsyan edib:
“O Ses Yunanıstan” komandamızda yer alan Eleni ilə çəkdirdiyim fotolara görə çirkin dedi-qodular çıxaran insanlara səslənirəm: Yunanıstanda çəkilən “O ses Yunanıstan”da birgə çalışdığımız komandanı qonaq etdik. Aparıcımız Eleni də sevgilisi Vasilis Koumentakos ile birgə bizə qatıldı.Sosial medianın çıxardığı yalanlardan həmişə uzaq durmuşam. Belə yalanları çıxaranlarla da həmsöhbət olmaram, amma ruhu çirkin olan insanların çirkin dedi-qodularının komanda yoldaşlarımı və sevdiklərimi üzməsinə də qətiyyən icazə vermərəm”. 
