“Microsoft” Rusiyanı hücumda ittiham etdi

“Microsoft” Rusiyanı hücumda ittiham etdi
09:05 3 Noyabr 2016
Ölkə mətbuatı
A- A+

"Microsoft" korporasiyası "Windows" əməliyyat sisteminə kiberhücumların arxasında Rusiya rəsmi dairələrinə bağlı hakerlərin dayandığını bəyan edib.

Milli.Az lent.az-a istinadən xəbər verir ki, söhbət ünvanlı fişinq məktubların istifadə olunması ilə həyata keçirilən haker hücumlarından gedir. Hücumları "Strontium" qrupunun həyata keçirdiyi bildirilir. Bu qrup "Fancy Bear" və "ART 28" adları ilə də tanınır. Həmin haker qrupunun ABŞ Demokrat Partiyasının serverlərini sındıran qrup olduğu və Rusiya Müdafiə Nazirliyinin Baş Kəşfiyyat İdarəsinə işlədiyi güman edilir.
 
Qeyd edək ki, "Windows"dakı zəiflik barədə şirkətin əsas rəqibi "Google" oktyabrın sonunda açıqlama yaymışdı. "Microsoft" noyabrın 8-də "Windows"u bu tip hücumlardan qoruyan proqram yenilənməsinin təqdim olunacağını açıqlayıb.

Milli.Az

RƏYLƏR

BU KATEQORİYADAN DİGƏR XƏBƏRLƏR