Dağlıq Qarabağ münaqişəsi son vaxtlar daha çox erməni
politoloqların irəli sürdüyü müharibə ssenariləri ilə gündəmə
gəlir. İraq ordusu Mosul əməliyyatının 19-cu günündə şəhərə daxil
olub. İŞİD lideri döyüşçülərindən Türkiyəni “qan gölünə” çevirməyi
istəyib. ABŞ Müdafiə Nazirliyinin (Pentaqon) nümayəndəsi Mikael
Rubin isə Vaşinqtonun mesajını Vaşinqtona çatdırıb.
Qarabağın qaytarılması üçün hücum strategiyası hazırdır
- PLAN
Erməni politoloqları aprel müharibəsində
Ermənistanın uğradığı məğlubiyyəti və yeni təhlükəni xüsusi
vurğulayırlar. Erməni politoloq Levon Şirinyan deyir ki, Rusiya
Qarabağ kartını oynamaqda davam edir.
“Moskva Ermənistanın daxilində baş verən hadisələrdən
narahatdır. Çünki baş verənlər Rusiyanın Ermənistanı tamamilə
itirməsi ilə nəticələnə bilər. Ehtimal ki, Kreml yeni ssenari
hazırlayıb və bu ssenaridə Ermənistanda bəzi dəyişikliklər
etməkdir. Qarabağ kartı bu prosesdə mühümdür. Xüsusilə münaqişənin
Rusiya planına uyğun, yəni ərazilərin qaytarılması ilə həlli əsas
götürülür. Bunun reallaşması üçün lazım olsa müharibə də başlaya
bilər”, - o, bildirib.
Erməni analitik İqor Muradyan yenidən Türkiyənin Qarabağ
müharibəsinə müdaxiləsindən danışıb.
Qarabağın qaytarılması üçün hücum strategiyası hazırdır - PLAN
Cəbhədə baş verən gərginlik fonunda Dağlıq Qarabağda müharibə ssenariləri gündəmə gəlir.
Mosul əməliyyatı
Bu gün çoxdan gözlənilən hadisə baş verib. İraq
ordusu Mosula girib. İraq Müdafiə Nazirliyindən
verilən məlumata görə, İraq ordusunun 9-cu zirehli briqadası Mosula
daxil olub.
“Türkiyəni işğal edin, qan çay kimi axsın!” – ŞOK
ƏMR
Hazırda Mosulda olduğu iddia edilən İŞİD terror
təşkilatının lideri Əbubəkr əl-Bağdadiyə aid səs qeydi dərc
olunub. 31 dəqiqəlik səs qeydində Mosul əməliyyatının
müvəffəqiyyətsiz olacağından əminlik ifadə olunub və təşkilatın
üzvlərinə “Türkiyəni işğal edin!” çağırışı edilir.
“Artıq nifrətinizin atəşini türk əsgərlərinə boşalda bilərsiniz.
Türkiyə artıq cihadınızın hədəflərindən birinə çevrilib. Türkiyənin
işğal edin və etibarlı hesab etdiyiniz qorxu salın. Gecəni gündüzə
çevirin, torpaqlarında dağıntılar törədin, qanın çay kimi axmasını
təmin edin!”, - İŞİD lideri deyib.
Səs qeydində təşkilatın “sui-qəsd qrupları”na da çağırış var. O,
təşkilatın üzvlərindən “kafir” adlandırdığı Səudiyyə Ərəbistanına
hücum etməyi istəyib.
Qeyd edək ki, Bağdadiyə aid olduğu iddia edilən son audioyazı
2015-ci ilin dekabrında yayılıb. Həmin səs qeydində Rusiya və Qərb
koalisiyasının İŞİD-i zəiflədə bilməyəcəyi bildirilmişdi. Son
məlumatlara görə, İŞİD lideri hazırda İraqın Mosul
şəhərindədir.
Bir terror təşkilatının rəhbəri olmasa da, ABŞ
Müdafiə Nazirliyinin (Pentaqon) nümayəndəsi Mikael Rubinin Türkiyə
barəsində dedikləri də İŞİD liderinin fikirlərindən
fərqlənmir.
Rubin “American Enterprise Institute” təşkilatının saytında
yayımlanan məqaləsində Türkiyənin qan gölünə çevriləcəyini yazıb.
“Türkiyə mütləq qan gölünə çevriləcək. Maraqlı olan bunun nə vaxt
baş verəcəyidir”, - deyə o bildirib.
Rubin iddia edir ki, Türkiyədə konstitusiya dəyişikliyi məsələsi
ciddi problemlər yaradacaq. “Doğu Perinçek (Vətən Partiyasının
sədri. “Dərin dövlət”in adamı olaraq tanınır-red.) Ərdoğana qarşı
çıxacaq. Bu gün Perinçek müdafiə naziri səviyyəsində gücə malikdir.
Qarşıdurma yaşanacaq”, - deyə Pentaqon nümayəndəsi iddia
edib.
İstanbulun küçələrində qan su yerinə axacaq – PENTAQONUN SSENARİSİ
Pentaqonun nümayəndəsi Mikael Rubin Türkiyəni dəhşətli günlərin gözlədiyini açıqlayıb.
Hazırda Türkiyə-ABŞ münasibətləri istənilən
səviyyədə deyil. Ankara və Vaşinqton arasında narazılıq yaradan
məsələlərdən biri ABŞ-ın FETÖ lideri Fəthullah Güləni Türkiyəyə
qaytarmaqdan imtina etməsidir. Digər məsələ isə ABŞ-ın Türkiyənin
terror təşkilatı kimi tanıdığı PYD ilə yaxınlıq
etməsidir.
ABŞ və Türkiyə Suriyanın Rakka şəhərinin İŞİD-dən azad edilməsi
üçün keçiriləcək əməliyyatda kimlərin iştirak edəcəyinə dair
razılaşa bilməyiblər.
ABŞ-ın nüfuzlu nəşrlərindən olan “Vaşinqton Post”
qəzeti ABŞ prezident Barak Obamanın türkiyəli həmkarı Rəcəb Tayyib
Ərdoğanla etdiyi son telefon söhbətinin detallarını dərc
edib. Nəşrin iddiasına görə, Obama Suriyadakı YPG
(PKK terror təşkilatının Suriya olan olan PYD-nin hərbi qanadı –
red.) güclərinin Rakka əməliyyatına qatılmasına qərar verildiyini
söyləyib.
“Vaşinqton Post” bildirir ki, Ankaraya ya Türkiyənin koalisiya
güclərinin dəstəklədiyi əməliyyata qatılmalı olduğu, ya da
əməliyyatdan kənarda qalacağı mesajı verilib.
Obama Ərdoğanı seçim qarşısında qoydu - İDDİA
ABŞ-ın nüfuzlu nəşrlərindən olan “Vaşinqton Post” qəzeti ABŞ prezident Barak Obamanın türkiyəli həmkarı Rəcəb Tayyib Ərdoğanla etdiyi son telefon söhbətinin detallarını dərc edib.
Terrorçulara münasibətdə fikir ayrılığı yalnız
Ankara və Vaşinqton arasında deyil. “Yeni Şafak” qəzetinin
yazdığına görə, İran də Türkiyədə onilliklə qan tökən PKK-ya isti
yanaşır.
Nəşr qeyd edib ki, Qəndildə yerləşən PKK düşərgələrinin bir
qismi İran ərazisinə köçürülüb. Qəzetin məlumatına görə, Tehran
buna terror təşkilatının Suriyada Əsədə, İraqda İbadiyə dəstək
verməsi üçün razılaşıb: “PKK Qəndil dağının İran hissəsində üç
düşərgə inşa edib. Terror təşkilatının rəhbər kadrları da 8 aydır
Qəndilin İran tərəfinə keçiblər. Buna səbəb Türkiyə təyyarələrinin
Qəndilin İraq hissəsindəki düşərgələri bombalamasıdır”.
Nəşr qeyd edib ki, İran sərhədləri daxilində qurulan düşərgələrdə
helikopter dayanacağından tutmuş, elektrik stansiyasına qədər hər
şey var.
“ABŞ və Avropadan gələn şəxslər PKK ilə görüşmək üçün İran və Ərbil
marşrutundan istifadə edirlər. PKK-nın İranda qurduğu yeni
düşərgələrdə 7 min terrorçunun olduğu deyilir”, - deyə məlumatda
bildirilir.
“Qərb sülhü terrorçulara dəstək üçün istəyir”.
BunuSerbiyanın “Politika” qəzetinə müsahibəsində Suriya
Prezidenti Bəşər Əsəd söyləyib.
Onun sözlərinə görə, Qərb atəşkəsdən terrorçulara yardım üçün
istifadə edir: “Onlar bunun sayəsində terrorçulara silah və pul
yardımı edirlər. Bütün hər şey onların yenidən güclü olması üçün
nəzərdə tutulub. ABŞ və müttəfiqləri terrorçulardan Suriya
arenasında oynamaq üçün yararlanırlar”.
Almaniya isə Bəşər Əsədlə bağlı mövqeyini
dəyişməyib. Almaniya kansleri Angela Merkel Suriya hakimiyyətinin
insanlığa qarşı cinayət törətdiyini söyləyib.
Onun sözlərinə görə, Suriya hakimiyyətinin dinc əhaliyə qarşı
yandırıcı bombalar və kimyəvi silahlardan istifadə etməsini
bağışlamaq olmaz: “Dinc əhali aclıq çəkir, tibb müəssisələrinə
hücum olur, həkimlər öldürülür, xəstəxanalar dağıdılır. Bu,
insanlığa qarşı ciddi cinayətdir. Biz özümüzü görməməzliyə vura
bilmərik”.
Suriyanın müttəfiqi olan Rusiya isə Hələb
əməliyyatına başlayır. Türkiyəli yazar Mehmet Acet
“İkinci Qroznı” əməliyyatını bildirib.
“İkinci Qroznı” əməliyyatı başlayır: Son 24 saat
Rusiya Hələb üçün “İkinci Qroznı Planı” hazırlayır.
“ABŞ başqa ölkələrin işlərinə müdaxilə etməlidir” –
ÇAĞIRIŞ
NATO-nun keçmiş baş katibi, Ukrayna prezidentinin
məsləhətçisi Anders Foq Rasmussen “Sky News”a müsahibəsində ABŞ-ı
dünya münaqişələrinə daha aktiv müdaxilə etməyə
çağırıb.
O, ABŞ prezidenti Barak Obamanı qərarsızlıqda ittiham edib.
Rasmussenin sözlərinə görə, Vaşinton hərbi gücü çox həvəssiz tətbiq
edir.
“Amerika dünya jandarmı kimi bizə lazımdır. Bizə Amerikanın
aydın məqsədi olan qlobal liderliyi lazımdır. ABŞ dünya jandarmı
kimi beynəlxalq hüququ və nizamı bərpa etməlidir”, - o,
bildirib.
NATO-nun keçmiş baş katibi güman edir ki, başqa ölkələrin
işlərinə müdaxilə yoluna qayıtmaqdan başqa yol yoxdur.
“Super dövlətlər təqaüdə çıxmırlar. Dünya atəş içindədir.
Müharibə Suriyanı parçalayır. İraq iflas həddindədir. Liviya Şimali
Afrikada bacarıqsız dövlətdir”, — o, vurğulayıb.
Ömər Dağlı
Xəbərin orijinal ünvanı: http://publika.az/news/nida/174651.htmlŞahid olduğunuz hadisələrin video və ya fotosunu çəkərək bizə göndərin: 0552252950 (Whatsapp)