“Qəbələ”nin futbolçusu Filip Ozobiç Avropa Liqasının IV turu çərçivəsində “Sent-Etyen”ə məğlubiyyətdən sonra jurnalistlərin suallarını cavablandırıb:
- Heyif ki, bu şəkildə uduzduq. Bu gün yaxşı oynadıq. Sadəcə olaraq, 2 səhv etdik, onlar da qol oldu.
- Məğlubiyyətdə həlledici nə oldu: baş hakimin Roman Qriqorçuku texniki zonadan uzaqlaşdırılması, yoxsa Dmitri Bezotosnının səhv?
- Hakim barədə danışmaq istəmirəm. Bir daha deyirəm, yaxşı oynadıq. Ancaq nəticə istədiyimiz kimi olmadı. Təəssüf!
- Sizin uzaq məsafələrdən yaxşı zərbələriniz var. Lakin bu gün həmin bacarığınızdan yararlana bilmədiniz...
- Bəli, bir neçə epizodda çərçivəyə düşə bilmədim.
- Baqali Dabosuz irəlidə oynamaq çətindir?
- Əlbəttə, çətindir. Bizim yaxşı oyunçularımız var. Zədələr işimizə mane olur.
- İlk 4 oyunun hamısında uduzacağınızı güman edirdiniz?
- Təbii ki, biz də yaxşı nəticə qazanmaq istərdik. Ancaq belə alındı.
- Roman Qriqorçuk oyundan sonra nə dedi?
- Dedi ki, afərin, üzülmək lazım deyil, bizim 3 gündən sonra oyunumuz var.
- Qarşıda “Anderlext” və “Maynts”la oyunlar var. Bu barədə nə deyə bilərsiniz?
- Çalışacağıq ki, yaxşı nəticə əldə edək.
