"Barselona" rəhbərliyi komandanın aparıcı futbolçularından olan Luis Suareslə danışıqlara başlayıb.
Milli.Az apasport.az-a istinadən xəbər verir ki, kataloniyalılar uruqvaylı hücumçu ilə yeni müqavilə imzalamaq niyyətindədirlər.
Suaresin hazırkı sözləşməsinin müddəti 2019-cu ildə başa çatır. Buna baxmayaraq, "Barsa" rəhbərliyi onun anlaşmasını yeniləməyə qərar verib.
Yeni müqavilənin neçə illik olacağı hələ bəlli deyil.
Qeyd edək ki, "Barselona"ya 2014-cü ildə "Liverpul"dan transfer olunan Suares hazırkı komandasında ümumilikdə 111 oyunda 94 qola imza atıb.
Milli.Az