Hindistan-Pakistan sərhədində baş vermiş atışma nəticəsində 1 Hindistan və 4 Pakıstan hərbçisi həlak olub.
APA-nın BBC-yə istinadən verdiyi xəbərə görə, insident Kəşmir ştatındakı nəzarət zolağında baş verib.
Tərəflər atəşkəsin pozulmasında bir-birilərini ittiham edirlər. Üstəlik, Pakistan tərəfi atışmalar zamanı 2 dinc sakinin öldüyünü bildirir.
Qeyd edək ki, son zamanlar mübahisəli Hindistan-Pakistan sərhədində toqquşmaların sayı artmaqdadır.