Topaz Premyer Liqasının XI turunun açılış matçı olan “Kəpəz” – “Sumqayıt” görüşündə qalib müəyyənləşmədi (0:0). Fanat.Az xəbər verir ki, qonaq komandanın baş məşqçisi Samir Abasov matçdan sonra meydançanın durumundan şikayətlənib:
“Qələbə qazana bilməməyimizin səbəbi göz qabağındadır. Belə meydançada oynamaq çətindir. Oyunumuzu rəqibə görə deyil, meydançaya uyğun qurmuşduq. Evə sağ salamat və 1 xalla qaydırıqsa, bu da böyük seydi. Belə meydançada nəinki oynamaq, gəzmək çətindir. Əvəzləmələrin özlərini doğruldacağına inam az idi. Çünki bu, taktiki dəyişiklik deyildi. Yeniləri buraxdıq ki, bəlkə onların bəxti gətirə, top dəyib qapıya girə”.
Abasov milli komandamızın baş məşqçisi Robert Prosineçkinin “Sumqayıt”ın heç bir futbolçusuna dəvət göndərməməsinə də münasibət bildirib: “Prosineçki heç kimi çağırmırsa, buna haqqı var. Demək ki, layiq deyillər”.
Fanat.Az
