İtaliya A seriyasının XII turu çərçivəsində baş tutan "Kyevo" - "Yuventus" oyunu Canluici Buffon üçün əlamətdar olub.
Milli.Az apasport.az-a istinadən xəbər verir ki, bu görüş əfsanəvi qapıçı üçün A seriyasında 600-cü matç olub.
Bununla da o, A seriyasında ən çox oyun keçirən qapıçı olub.
Ümumilikdə isə İtaliya birinciliyində ən çox oyun keçirən futbolçu Paolo Maldinidir - 647 matç. 615 görüşdə meydana çıxan Xavier Zanetti ikinci, 607 qarşılaşma oynamış Totti isə üçüncüdür.
Qeyd edək ki, Buffon A seriyasında 1995-ci ildə debüt edib. O, həmin ilin 19 noyabrında "Parma"nın heyətində "Milan"a qarşı oynamışdı.
Milli.Az