Milli.Az çuğundur və qozla çörəyin hazırlanma qaydasını təqdim edir
Tərkibi:
1.5 st. çuğundur püresi
3/4 st. su
20 q yaş maya
4-4.5 st. un
2 x.q. duz
2 x.q. zeytun yağı
1/4 st. qoz
Çiy çuğunduru təmizləyib sürtgəcin xırda gözündən keçirin, sonra isə blenderdə püre halına gələnədək xırdalayın.
Mayanı ilıq suda əridin, çuğundura qatın, zeytun yağı, duz, xırdalanmış qoz və az-az un qataraq xəmir yoğurun.
Xəmir bərk olmamalıdır. Formanı bitki yağı ilə yağlayın. Xəmiri içinə tökün. Üzərinə dəsmal örtüb 1 saat isti yerdə saxlayın.
Sobanı 200 dərəcə qızdırın. Xəmir təxminən iki dəfə qalxanda sobaya qoyub 45-50 dəqiqə bişirin. Bişib-bişmədiyini taxta çöplə yoxlayın.
Xəmiri formadan çıxarıb şəbəkədə soyudun.
Nuş olsun!
Digər maraqlı reseptlər üçün Facebook səhifəmizə üzv olun.
Milli.Az
