"Qəbələ"nin rəqibi türkiyəli futbolçusunu itirdi

"Qəbələ"nin rəqibi türkiyəli futbolçusunu itirdi
14:12 7 Noyabr 2016
55 İdman
Ölkə mətbuatı
A- A+

"Qəbələ"nin Avropa Liqasındakı rəqiblərindən olan "Maynts" bir futbolçusunu itirib.

Milli.Az apasport.az-a istinadən xəbər verir ki, yarımmüdafiəçi Suat Sərdar sıradan çıxıb.

Almaniya Bundesliqasının X turunda "Leipsiq"in qonağı olan "Maynts" məğlubiyyətlə (1:3) yanaşı, gənc oyunçusunu da itirib. Belə ki, start heyətində meydana daxil olan dayaq yarımmüdafiəçisi yarım saatın tamamında ayağından xəsarət alıb. Oyunu davam etdirə bilməyən Sərdar 32-ci dəqiqədə yerini digər türkiyəli futbolçu Yunus Mallıya verib.
 
19 yaşlı futbolçunun zədəsi ilə bağlı hələlik bir açıqlama verilməyib. Oyunçu ilə bağlı konkret qərar tibbi müayinədən sonra veriləcək.
 
Qeyd edək ki, Avropa Liqasının növbəti turunda "Sent-Etyen"in qonağı olacaq "Maynts" C qrupunda son matçını dekabrın 8-də "Qəbələ"yə qarşı keçirəcək.

Milli.Az

RƏYLƏR

BU KATEQORİYADAN DİGƏR XƏBƏRLƏR