Zakir Qaralov "FETÖ işi"ndən danışıb

Zakir Qaralov "FETÖ işi"ndən danışıb
19:04 8 Noyabr 2016
96 Digər
Ölkə mətbuatı
A- A+

 

Baş prokuror Zakir Qaralov Türkiyənin Azərbaycana yeni təyin olunmuş səfiri Erkan Özoralı qəbul edib.

 

Baş Prokurorluğun mətbuat xidmətindən APA-ya verilən məlumata görə, görüşdə Zakir Qaralov mövcud ikitərəfli hüquqi əməkdaşlıq əlaqələrini məmnunluqla vurğulayaraq Türkiyədə baş vermiş 15 iyul hadisələri ilə bağlı başlanmış cinayət işi üzrə aparılan geniş istintaq-əməliyyat tədbirlərində Azərbaycan hüquq-mühafizə orqanlarının aktiv fəaliyyətindən danışıb.

 

Türkiyədə dövlət çevrilişinə cəhd zamanı qardaş Azərbaycan dövləti və xalqının göstərdiyi dəstəyə görə təşəkkürünü bildirən səfir E. Özoral ikitərəfli əlaqələrin bütün sahələrdə bundan sonra da genişlənəcəyinə əminliyini ifadə edib.

 

Görüşdə əməkdaşlıq məsələləri ətrafında fikir mübadiləsi aparılıb.

 

RƏYLƏR

BU KATEQORİYADAN DİGƏR XƏBƏRLƏR