"The Wanda Reign on the Bund" Çində ən bahalı otel sayılır.
Milli.Az AsiaOne-a istinadən bildirir ki, Şanxay şəhərindəki bu 20 mərtəbəli oteldə art-deko ilə 1920-ci illərin ənənəvi Çin dizaynı birləşiblər.
7 ulduzlu bu otelin inşası 515 milyon dollara başa gəlib. Binanın layihə müəllifi Britaniyanın "Foster + Partners" bürosudur.
Xuanpu çayının sahilində yerləşmiş oteldə 5 restoran, nefrit mozaikalı döşəmələr, fransız baş aşpazın çalışdığı "Marc" restoranı, "Universe KTV" adlı karaoke zalı var.
20-ci mərtəbədəki prezident nömrəsinin sahəsi 320 kvadrat metrdir. Bu nömrədə qızıl vanna da var.
Milli.Az 
