ABŞ-ın Kaliforniya ştatındakı Aruza şəhərində səsvermə məntəqəsi yaxınlığında silahlı hücum olub. İlkin məlumatlarda ən azı bir nəfərin həlak olduğu, 3 nəfərin isə ağır yaralandığı bildirilir.
Milli.Az "Voice of America"ya istinadən bildirir ki, hadisə Los-Anceles şəhərindən 40 kilometr şərqdə Azusa şəhərində baş verib. Günorta saatlarında qeydə alınan silahlı hücum həyata keçirilən zaman insanlar səs vermək üçün seçki məntəqəsinə üz tuturdular.
Los-Anceles Şəhər Polis Departamentinin rəisi Ceff Skroqqin polislərin naməlum silahlı şəxsin axtarışlarına başladıqlarını bildirib.
Rəsmilər ərazidəki insanlardan olduqları yeri tərk etməməyi tələb ediblər. Memorial Park və Dalton Elementary School-dakı seçki məntəqələri bağlanıb.
Slauson Middle School və Mountain View Elementary School-dakı müəllimlərlə şagirdlər isə təxliyə olunublar.
Milli.Az 
