Bu ölkədə daşlar bala verir - FOTOLAR

Bu ölkədə daşlar bala verir -  FOTOLAR
18:23 9 Noyabr 2016
294 Maraqlı
Ölkə mətbuatı
A- A+

Rumıniyanın cənubunda rast gəlinən qeyri-adi daşlar təkcə sakinlərin deyil, turistlərin də diqqətini cəlb edir.

Publika.az xarici mətbuata istinadən xəbər verir ki, bu daşların xüsusiyyəti onların artmasındadır.

Belə ki, ilk baxışdan cansız və hərəkətsiz görünən bu daşlar getdikcə artır. Əsasən dəyirmi formaya malik daşlar görünüşləri ilə bu yerlərdə çoxluq təşkil edən qaya parçalarından fərqlənirlər. Hər yağışdan sonra onlarda qeyri-adi nəsə baş verir: onlar göbələklər kimi artır və ölçüləri böyüyür.

Hər gün dünyanın bir sıra ölkələrindən xeyli sayda turist “canlı” daşları izləməyə gəlir. Sakinlərin bəziləri çoxalan daş parçalarından suvenirlər, bəzək əşyaları da hazırlayırlar.

Rumınların “trovant” adlandırdıqları “canlı” daşlar əcnəbilərin də diqqətini cəlb etdiyindən bununla bağlı açıq səma altında muzey var.

Qeyd edək ki, ölkədə ən çox “canlı” daş Vılça vilayətindədir. Onun ərazisində müxtəlif ölçülü, fərqli rənglərə malik daşlara rast gəlmək mümkündür. Turistlərin “bala verən” daşlara marağının çox olduğunu görən Vılçanın hakimiyyət orqanları Kosteşt kəndində muzey yaradıblar.

Anar Tağıyev









RƏYLƏR

BU KATEQORİYADAN DİGƏR XƏBƏRLƏR