Latviya çempionatının güclülər dəstəsinə vəsiqə uğrunda ilk "pley-off" oyunu keçirilib. Fanat.Az xəbər verir ki, elitaya ikinci vəsiqə uğrunda bu mövsüm 8 komanda arasında 7-ci yeri tutaraq aşağı diviziona düşmək təhlükəli ilə üzləşən "Metta" və aşağı liqanın gümüş medalçısı "Olayne" qarşılaşıb.
Vüqar Əsgərovla Orxan Həsənəliyevin çıxış etdiyi aşağı liqa klubu evdə "sülh"ə nail olub - 1:1. Hesabı 52-ci dəqiqədə qonaqlar açıb. 85-ci dəqiqədə isə Vüqar Əsgərov bərabərliyi təmin edib. Orxan isə ehtiyatda qalıb.
Bu mövsüm birinci divizionda 40 qolla "Olayne"nin ən məhsuldar futbolçusuna çevrilən millimizin sabiq forvardı 41-ci qolunu vurub.
Tərəflər arasında cavab qarşılaşması noyabrın 13-də keçiriləcək. "Olayne" həmin qarşılaşmada müsbət nəticə qazana bilsə, növbəti mövsümdən elitada çıxış edəcək.
Fanat.Az
