Bu gün Bakı Bələdiyyə Teatrının 24 yaşı tamam olur.
Publika.az xəbər verir ki, teatrın aktrisası, Əməkdar artist Hüsniyə Mürvətova ürək sözlərini yazıb.
Aktrisa nisgilini də gizlətməyib: “Bu gün 24 il tamam oldu. Bakı Bələdiyyə Teatrı düz 24 il əvvəl yarandı. Əfsanəvi sənətkarımız Amaliya Pənahova ömür-gün yoldaşı Yusif Muxtarovla birgə teatrımızı yaratdı. Belə gözəl kollektivdə çalışmaq mənə də nəsib oldu. Həyatımın ən maraqlı anlarını o teatrda yaşadım.
Çox gözəl səhnə əsərlərində yer aldım. Kaş ki, binamız olaydı. Bu nisgil hamımızın ürəyində var. Bayramınız mübarək, Amaliya xanım, bayramınız mübarək əziz kollektiv”.
Cəvahir