ACT Azərbaycan 11-14 sentyabr tarixlərində Bakı şəhərində sorğu keçirib.
Milli.Az bildirir ki, sorğunun nəticələrinə əsasən, Bakı əhalisinin 86%-i öz şəxsi mənzilində yaşayır. Sorğuda iştirak etmiş respondentlərin 8 %-i isə kirayədə yaşadığını bildirib. Dost-tanış evində sığınacaq tapanlar sorğuda 3% təşkil edib. Eyni faiz göstəricisi ipoteka yolu ilə mənzil sahibi olanlara da aiddir.
Kirayə mənzildə yaşayan respondentlərin 59%-i aylıq, əsasən, 200-400 AZN ödəniş edir. 31% respondentin kirayə haqqı üçün ayırdığı vəsait 200 AZN-ə qədərdir. 400-600 AZN arası kirayə haqqı ödəyənlər sorğuda 2% təşkil edib.
Sorğu 11-14 sentyabr tarixləri arasında Bakı şəhərində 400 respondent arasında telefon vasitəsilə həyata keçirilib.
Milli.Az