Çinin virtual alış-veriş saytı Alibaba.com-un nəzdindəki “Taobao”, “T-mall”, JD.com kimi böyük onlayn alış-veriş saytları Subaylar Gününə xüsusi aksiyalar təqdim edirlər. Publika.az xəbər verir ki, ümumilikdə 20 milyard dollarlıq alış-verişlə yeni bir rekorda imza atılacağı gözlənilir.
Bu gün başlayan kompanya 24 saat davam edəcək. Bu təşəbbüs çərçivəsində alış-veriş çılğınları məişət texnikası, mebel, geyim və elektronika kimi bir çox məhsulda endirimlərdən yararlana biləcəklər.
Bu il 40%-lik artımla 20 milyard dollarlıq alış-veriş gözlənilir. Ötən il bütövlükdə 14,3 milyard dollarlıq satış olmuşdu. Satışın başlandığı ilk saatda isə 3,9 milyard dollarlıq alış-verişlə rekorda imza atılmışdı.
İqtisadiyyat şöbəsi
