Azərbaycanın əməkdar hüquqşünası, hüquq elmləri doktoru,
professor İlham Rəhimovun “Cinayət və cəzanın fəlsəfəsi” adlı
kitabı Pekində nəşr olunub.
Publika.az xəbər verir ki, kitabın Çində nəşr edilməsi
çinli hüquqşünasların təşəbbüsü ilə baş tutub. Çin dilinə tərcümə
olunmuş bu kitab təkcə Azərbaycanda deyil, dünyanın bir sıra
ölkələrində də oxucular tərəfindən maraqla qarşılanıb.
Nəfis üslubda nəşr olunmuş kitabda cinayət hüququnun təməl
problemlərindən bəhs olunur. Müəllif cinayətin mənbəyinə və
səbəblərinə, eləcə də cəzanın məzmununa fəlsəfi mövqedən yanaşıb.
Kitab hüquq fakültələrinin müəllimləri, aspirantlar və tələbələr,
eləcə cinayət hüququ sahəsində ixtisaslaşmış hüquq-mühafizə
orqanları işçiləri, nəzəriyyəçilər üçün nəzərdə tutulub. Nəşrdən
həmçinin, sosioloqlar, psixoloqlar və cinayətkarlıqla mübarizənin
aparılmasına maraq göstərən hər kəs yararlana bilər.
Xatırladaq ki, professor İlham Rəhimovun “Cinayət və cəzanın
fəlsəfəsi” adlı kitabı türk, ingilis, italyan, yəhudi və bolqar
dillərində də çap olunub.
Publika.az