Azərbaycan millisinin Şimali İrlandiya ilə DÇ-2018-in seçmə oyunu bir debütlə əlamətdar olub.
Milli.Az apasport.az-a istinadən xəbər verir ki, Belfastın "Vindzor Park" stadionunda keçirilən qarşılaşmanın 2-ci hissəsində Ramil Şeydayevin əvəzinə meydana çıxan Dəniz Yılmaz ilk dəfə yığmamızın formasını geyinib.
İlk rəsmi matçını 1992-ci ildə keçirən Azərbaycan millisinin 24 illik tarixindəki 226 matçda 217 futbolçu meydana çıxmışdı.
Milliləşən türkiyəli bu siyahıda 218-ci olub. Bunadək vətəndaşlığını dəyişən 45 oyunçusu olan yığmamızdakı legionerlərin sayı da 46-ya yüksəlib.
Qeyd edək ki, matçın ilk hissəsi millimizin 0:2 hesablı məğlubiyyəti ilə başa çatıb.
Milli.Az