Azərbaycanla oyunda yeganə məqsədimiz qələbə qazanmaq idi. İli 7 xalla başa vurmaq istəyirdik ki, bunun da öhdəsindən gəldik.
Milli.Az apasport.az-a istinadən xəbər verir ki, bu sözləri Şimali İrlandiya yığmasının futbolçusu Kris Brant deyib.
DÇ-2018-in seçmə mərhələsinin Azərbaycan yığması ilə oyunundakı 4:0 hesablı qələbəyə şərh verən futbolçu nəticədən razı qaldığını gizlətməyib: "Seçmə mərhələnin 2016-cı ildəki hissəsini yaxşı başa vura bildik. Vurduğum qola gəlincə, bu top çox önəmli idi. Hesab 3:0 olarkən rəqib topa nəzarət edib, fərqi azaltmağa çalışırdı. Mənim fərqlənməyimlə qarşılaşmanın taleyi tam həll olundu. Bu qol həm hesabda fərq artdı, həm də oyunun intriqasını tam öldürdü".
Milli.Az