Sabunçu bazarında ev quşları harda, necə gəldi satılır.
Burda istənilən ev quşu satılır. Di gəl ki, necə... Üfunət iyindən dayanmaq mümkün deyil, havada tüklər uçuşur, quşlar geyim və əşyalarla yan-yana satılır.
Milli.Az xezerxeber.com-a istinadən bildirir ki, qanuna görə, bazarlarda ev quşlarının satışı üçün baytarlıq xidmətinin icazəsi lazımdır. Rayondan paytaxta gətirilib bazarda satılan quşlar iki dəfə - həm rayonda, həm də Bakıda yoxlamadan keçməlidir və arayış verilməlidir ki, satışa çıxarılan mal sağlam və qida üçün yararlıdır.
Bəli, evində, qapısənda quşları öz zəhməti ilə yetişdirib sonra satışa çıxarmaq halal qazanc yeridir. Amma gərək etdiyin yaxşılığı da axıra kimi edəsən.
Qayda-qanunla yanaşı insaf da yaxşı şeydir. İnsafla satmaq isə elə hər satıcıya aid xislət deyil.
Milli.Az
