2018-ci il dünya çempionatının Avropa üzrə seçmə qrup mərhələsinin IV turuna yekun vurulur

2018-ci il dünya çempionatının Avropa üzrə seçmə qrup mərhələsinin IV turuna yekun vurulur
08:07 13 Noyabr 2016
158 İdman
Ölkə mətbuatı
A- A+

Bakı. 13 noyabr. REPORT.AZ/ 2018-ci il dünya çempionatının Avropa üzrə seçmə qrup mərhələsinin IV turuna bu gün yekun vurulacaq. "Report"un məlumatına görə, son oyun günündə 8 qarşılaşma keçiriləcək.
A qupunda 4 xalla 3-cü pillədə qərarlaşan Hollandiya sonuncu yerdəki Luksemburqun qonağı olacaq. Qonaqlar səfər qələbəsi sayəsində İsveçlə xallarını eyniləşdirəcək. Bolqarıstan isə Belarusu qəbul edəcək. Bu komandalardan məğlub olani 5-ci yerdə olacaq. Qrupun digər oyununda isə Fransa İsveçi 2:1 hesabı ilə məğlub edib.
B qrupunun lideri İsveçrə Farer adalarını sınağa çəkəcək. Meydan sahibləri qələbə qazanacağı təqdirdə ilk pillədə möhkəmlənəcək. Sonuncu Avropa çempionu Portuqaliya evdə Latviya ilə qarşılaşacaq. Digər oyunda isə sonuncu pillədəki Andorra Macarıstanın qonağı olacaq.
H qrupunun liderləri bu tur evdə meydana çıxacaqlar. Belçika Estoniyanı, Yunanıstan isə Bosniya və Herseqovinanı qonaq edəcək. Aktivində xal olmayan Kipr isə digər xalsız komanda Cəbəllütariqlə münasibətlərinə aydınlıq gətirəcək. Bu oyunu azərbaycanlı FİFA referisi Əliyar Ağayev idarə edəcək. Onun köməkçiləri Rza Məmmədov, Zeynal Zeynalov və Orxan Məmmədov olacaq.
Dünya çempionatı, seçmə qrup mərhələ, IV tur
A qrupu
21:00. Luksemburq - Hollandiya
21:00. Bolqarıstan - Belarus
Xal durumu: Fransa - 10. İsveç - 7. Hollandiya - 4. Bolqarıstan - 3. Belarus - 2. Luksemburq - 1.
B qrupu
21:00. Macarıstan - Andorra
21:00. İsveçrə - Farer adaları
21:45. Portuqaliya - Latviya
Xal durumu: İsveçrə - 9. Portuqaliya - 6. Macarıstan - 4. Farer adaları - 4. Latviya - 3. Andorra - 0.
H qrupu
21:00. Kipr - Cəbəllütariq
23:45. Yunanıstan - Bosniya və Herseqovina
23:45. Belçika - Estoniya
Xal durumu: Belçika - 9. Yunanıstan - 9. Bosniya və Herseqovina - 6. Estoniya - 3. Kipr - 0. Cəbəllütariq - 0.

Xəbərin orijinal ünvanı: https://report.az/futbol/2018-ci-il-dunya-cempionatinin-avropa-uzre-secme-qrup-merhelesi

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR