Bir müddətdir küsülü olan rejissorlar Şahin Zəkizadə və Aqil M.Quliyev barışıblar.
Axşam.az-ın məlumatına görə, qan xərçəngindən əziyyət çəkən Ş.Zəkizadə bacısı və xəstəliyi ilə bağlı status yazıb. Rejissorun həmin sözlərinə şərh yazan Aqil M.Quliyev barışıq addımı atıb. O, Ş.Zəkizadədən üzr istəyib:
"Allah şəfa versin. Üzrlü saysan, minnətdar olaram. Sən xəstə olduğun ərəfədən mən Bakıda deyiləm və yaxın ərəfədə də olmayacam. Bilirsən ki, sənin xətrini çox istəmişəm. Səninləyəm, dost".
Ş.Zəkizadə: "Əsas insanın qəlbi xəstə olmasın. Sənin burada üzr istəməyin mənim küsülülüyümü yox etdi. Allah bütün xəstələrə şəfa versin", - deyə cavab verib.
Qeyd edək ki, Ş.Zəkizadə xəstəxanada yatan gündən həmkarı onunla əlaqə saxlayıb, hal-əhval tutmadığı üçün ondan incimişdi.
Milli.Az 
