"Formula-1" maşın sinfində avtomobil yarışları üzrə dünya çempionatının 2017-ci ildə keçiriləcək Azərbaycan mərhələsinin təşkilatçıları Bakı Qran-prisinin Monako kimi tanınmış olacağına ümid edirlər.
Publika.az xəbər verir ki, bunu TASS-a mərhələnin promouteri Arif Rəhmov deyib.
Bakı bu mövsüm tarixində ilk dəfə olaraq "Formula-1"in Avropa Qran-prisi adlandırılan mərhələsini qəbul edib.
"Bu il Qran-priyə 100 milyondan çox insan baxdı, bu şəhərin necə gözəl olduğunu onlayn gördü. Bu il bizə 4 mindən çox əcnəbi gəlib, növbəti dəfə, ümid edirik ki, gələnlərin sayı artacaq", - deyə Arif Rəhimov bildirib.
"Ümid edirik ki, bizim mərhələ də Monako kimi tanınmış olacaq", - deyə o əlavə edib.
