Azərbaycanlı hakimlər beynəlxalq arenada növbəti oyunu idarə edib. Fanat.Az xəbər verir ki, Əliyar Ağayevin başçılıq etdiyi briqada "DÇ-2018"in seçmə mərhələsi çərçivəsində Cənubi Kipr millisi ilə Cəbəllütariqin oyununda ədaləti qoruyub.
Oyun Cənubi Kiprin 3:1 hesabı qələbəsi ilə başa çatıb. Ağayev 78-80-ci dəqiqələrdə sarı vərəqə göstərdiyi Cəbəllütariqin futbolçusu Cayse Maskarenas-Oliveronu meydanda qovub. O, meydan sahiblərindən 2 futbolçunu sarı vərəqə ilə cəzalandırıb.
Qeyd edək ki, bu oyunda referiyə Zeynal Zeynalov və Rza Məmmədov kömək edib. Dördüncü hakim funksiyasını Orxan Məmmədov yerinə yetirəcək.
Fanat.Az