ABŞ prezideni seçilən Donald Tramp ölkəsinin Yaxın Şərq siyasətini tənqid edib.
Publika.az xəbər verir ki, ilk müsahibəsini CBS kanalına verən Tramp ABŞ-ın Yaxın Şərqdə “terrorla mübarizə” adı altında 6 trilyon dollar xərclədiyini deyib.
“Bu pulla ölkəmizi başdan ayağa iki dəfə qurardıq. Yollarımıza, körpülərimizə, tunellərimizə və hava limanlarımıza baxın, çoxu köhnəlib”, - milyarder bildirib.
Tramp həmçinin İŞİD-dən xilas olacaqlarını qeyd edib. Lakin o, bununla bağlı hansı planlarının olduğunu açıqlamayıb: “Mən Mosul əməliyyatına başlamadan dörd ay əvvəl bunu izah etməyə başlayanlar kimi deyiləm. Bu müddət ərzində İŞİD-in lider heyəti bölgəni tərk etdi. Yalnız deyə bilərəm ki, İŞİD-dən tamamilə xilas olacağıq”.
Ömər Dağlı
