Bakı. 14 noyabr. REPORT.AZ/ İran hakimiyyəti havanın çirklənmə səviyyəsinin normadan artıq olmasına görə bu gün paytaxt Tehranda ibtidai təhsil məktəblərində və uşaq bağçalarında dərs və təlimləri ləğv etmək qərarına gəlib.
"Report" "Daily Star" qəzetinə istinadən xəbər verir ki, yerli hakimiyyət orqanları həmçinin paytaxtın mərkəzində avtomobil hərəkətinə məhdudiyyətlər tətbiq edib və şəhər sakinlərinə zərurət olmadan küçəyə çıxmamağı tövsiyə edib.
Məlumata görə, şəhərdə havanın çirklənmə səviyyəsi Ümumdünya Səhiyyə Təşkilatı (ÜST) tərəfindən tövsiyə edilən normadan üç dəfə yüksək həddə çatıb.