Bakı. 15 noyabr. REPORT.AZ/ Azərbaycan Qiymətləndiricilər Cəmiyyəti (AQC) "Azərbaycan İpoteka Fondu" ASC ilə əməkdaşlığı genişləndirmət niyyətindədir. "Report" xəbər verir ki, bu barədə ACQ-nin İdarə Heyətinin bu gün seçilmiş yeni sədri Ramil Osmanlı məlumat verib.
Onun sözlərinə görə, AİF-lə əməkdaşlıq rəhbərlik etdiyi qurumun prioritetlərindən biri olacaq.
R. Osmanlı onu da qeyd edib ki, Azərbaycanda "Qiymətləndirmə fəaliyyəti haqqında qanun"a əlavə və dəyişikliklər etməyə ehtiyac var: "Bu qanun 1998-ci ildə qəbul olunub. O vaxtdan bəri konyuktur, beynəlxalq standartlar dəyişib. Qanun yeni standartlara uyğunlaşdırılmalıdır".
Qeyd edək ki, hazırda Azərbaycanda təxminən 200 qiymətləndirici var.