Bakı. 15 noyabr. REPORT.AZ/ "Azərbaycana səfərimin əsas məqsədi Asiya İnkişaf Bankının (ADB) yaradılmasının 50 illiyini qeyd etməkdir. "Report" xəbər verir ki, bunu jurnalistlərə açıqlamasında ADB-nin vitse-prezidenti Vensay Canq (Wencai Zhang) deyib.
Onun sözlərinə görə, təmsil etdiyi beynəlxalq maliyyə qurumu Azərbaycanda iqtisadi inkişafa dəstək verə bilər: "Mən Azərbaycanın inkişafına hansısa formada dəstək verə biləcəyimizi müzakirə etmək üçün burdayam. Bir sıra rəsmi şəxslərlə görüşdüm. Artıq 3 cü dəfədir ki, Azərbaycana səfər edirəm. Səfər əsnasında ən son iqtisadi prosesləri müzakirə etdik. Həmçinin növbəti 3 il üçün əməkdaşlıq planlarını müzakirə edib, razılaşdırırırıq".
