"Coca-Cola" korporasiyasının banisi Aza Qriqs Kendlerin oğluna məxsus olmuş nəhəng "Briarcliff" malikanəsi indi viran qalıb.
Milli.Az ABC-yə istinadən bildirir ki, ABŞ-ın Corciya ştatındakı Atlanta şəhərində yerləşən bu malikanədə Aza Kendlerin oğlu Aza Kendler 1920-1930-cu illərdə yaşayıb.
Sonradan bu malikanə də "Coca Cola" korporasiyası ilə birlikdə Ernest Vudraffa satılmışdı. Ernest Vudraffın oğlu Robert Vudraff isə "Coca-Cola"nı dünya brendinə, qlobal istehsal və maliyyə imperiyasına çevirmişdi.
"Coca Cola" brendini və reseptini ata Aza Qriqqs Kendler polkovnik Con Pembertonun dul arvadından 1891-ci ildə 2300 dollara satın almışdı.
Pemberton "Coca Cola"nın ixtiraçısıdır.
Daşınmaz əmlak biznesi ilə məşğul olmuş oğul Aza Qriqqs isə 1953-cü ildə əyyaşlıqdan və depressiyadan ölüb.
Viran malikanənin fotolarını Ceff Hayerman çəkib.
Milli.Az 
