Bakı. 16 noyabr. REPORT.AZ/ Ermənistanın xarici işlər naziri Edvard Nalbandyan ABŞ dövlət katibi müavininin Avropa və Avrasiya məsələləri üzrə köməkçisi Bricit Brinki Yerevanda qəbul edib.
“Report” Ermənistan KİV-inə istinadən xəbər verir ki, tərəflər iki ölkə arasında əlaqələrdən və onun inkişafından danışıblar.
Məlumata görə, onlar Azərbaycanın işğal altında olan Dağlıq Qarabağ münaqişəsinin həlli ilə bağlı Vyana və Sankt-Peterburq razılaşmalaının yerinə yetirilməsinə də toxunublar.