Siyəzəndə səhər saatlarında 1 nəfərin qatarın altında qalması ilə nəticələnən bədbəxt hadisə qeydə alınıb.
Milli.Az report-a istinadən xəbər verir ki, hadisə saat 05:10 radələrində rayonunun Gilgilçay stansiyasında baş verib. 1983-cü il təvəllüdlü yerli sakin Qurbanov Mirzəxan Elşad oğlu təhlükəsizlik qaydalarına riayət edilməməsi səbəbindən yıxılaraq qatarın altına düşüb.
Yaralı Siyəzən Rayon Diaqnostika Mərkəzinə aparılıb. "Hər iki baldırın aşağı 3/1-nin amputasiyası, post - travmatik şok" diaqnozu qoyulan zərərçəkən Cərrahiyyə şöbəsində əməliyyat olunub.
Xəsarət alan şəxs həmin qatarın maşinist-köməkçisi olub. Hadisə növbəni təhvil verib, evə gedərkən qeydə alınıb.
Faktla bağlı Siyəzən Polis şöbəsində araşdırma aparılır.
Milli.Az