Noyabr ayında ölkədə bir çox populyar mətbuat orqanı ad gününü qeyd edir. Onlardan biri də müstəqil Azərbaycan mətbuatının ilk nümunələrindən olan “525-ci qəzet”idir. Bu gün qəzetin yaranmasından 24 il ötür.
“525-ci qəzet”in baş redaktoru tanınmış yazıçı-jurnalist Rəşad Məciddir. Baş redaktor 1995-ci ildən qəzetə rəhbərlik edir.
Onu da qeyd edək ki, qəzetin adı öncə “Sabah”, “2x2” kimi planlaşdırılıb. Lakin qeydiyyatdan keçən 525-ci qəzet olduqlarını öyrənəndə redaktorlar qəzetinin adını “525-ci qəzet” qoymağa qərar veriblər.
1992-ci ildən 1996-cı ilə kimi həftəlik nəşr olunan qəzet 1996-98-ci illərdə həftədə 3 dəfə çap olunub. 1998-ci ildən isə gündəlik nəşr olunur.
24-cü ildönümü münasibətilə qəzetin kollektivini təbrik edirik.
