Zığ sürüşmə sahəsində mənzilləri qəzalı vəziyyətə düşən sakinlərə torpaq sahəsi veriləcək. Bunun üçün paytaxtın Zığ qəsəbəsində, Əmircan-Hövsan yolunun 5-ci kilometirliyinin yaxınlığında yer ayrılıb.
Milli.Az xezerxeber.com-a istinadən bildirir ki, ilkin mərhələdə bu əraziyə evləri yaşayış üçün tam olaraq təhlükəli vəziyyətə düşmüş 48 ailənin köçürülməsi planlaşdırılır.
Suraxanı rayon İcra Hakimiyyətinin Zığ qəsəbəsi İnzibati Ərazi Dairəsi üzrə nümayəndəsi Cəlaləddin Əhmədov deyir ki, ərazi komunal xidmət sahələri ilə tam təmin olunur. Bura köçən sakinlərin mənzillərərinə bu xidmət sahələri dövlət vəsaiti hesabına çəkiləcək.
Ancaq Zığ sakinləri sözügedən ərazilərə köçməkdə elə də maraqlı deyillər. Çünkü həmin ərazidə evlərini tikmək üçün sakinlərə qəzalı vəziyyətə düşən evlərin qarşılığında kompensasiya verilmir.
Cəlaləddin Əhmədov isə deyir ki, sakinlərin bu istəyi nəzərə alınaraq Nazirlər Kabinetinə əlavə məktub ünvanlanıb.
Milli.Az
